Fréttir

 Aðalfundur Golfklúbbs Oddfellowa verður haldinn að Vonarstræti 10, Reykjavík, sunnudaginn 4. desember 2011 kl. 14:00

Jólakort Syrktar- og Líknarsjóðs Oddfellow árið 2011 er komið í sölu hjá líknarstjóðum Regludeilda. Kortið þetta árið hefur  hannað  Heiðrún Þorgeirsdóttur myndlistarkona úr Rb. st. nr. 14, Elísabet.

Stórum áfanga var fagnað um helgina þegar nýr og endurbættur fundasalur Stjörnusteina, regluheimili Oddfellowa á Selfossi var vígður við hátíðlega athöfn undir stjórn Stórstúku og stórembættismanna Reglunnar.   Framkvæmdir við endurbyggingu hússins hófust í ágúst 2009 og  fyrstu tveimur áföngunum lauk fyrir rúmi ári siðan eða í september 2010. Fundasalurinn var endurnýjaður frá grunni og er hinn glæsilegasti

Málefni Líknardeildarinnar í Kópavogi eru okkur Oddfellowum mjög hugleikin.  Við erum stolt af því frumkvæði sem Reglan sýndi í tilefni af eitt hundrað ára afmæli hennar árið 1997, með því að taka uppbyggingu deildarinnar alfarið að sér.  Í framhaldi af því hefur Oddfellowreglan komið upp kapellu, göngudeild og unnið ýmis önnur smærri verkefni. Kynning á verkefninu er aðgengileg á Power point á Innri síðu.

Laugardaginn 22. október sl. var haldinn stofnfundur nýrrar regludeildar, st. nr. 26 Jón forseti. Stofnfélagar voru 41 talsins og hefur þessi nýja stúka aðsetur í Regluheimilinu í Reykjanesbæ. Stofnfundurinn fór fram á Vonarstræti 10 með hátíðarfundi en að honum loknum voru embættismenn settir í embætti hinnar nýju stúku.  

Embættismenn Stórstúku  sóttu  heim allar stúkur á Suðvesturhorninu um síðustu helgi  í árlegri skoðun Stórstúkunnar.  Á landsbyggð fer skoðun í stúkum fram samhliða innsetningu eftir áramótin.    

Stórstúka Evrópu var stofnuð 16. júní 2007 í Osló. Hún er skráð með aðsetur í Kaupmannahöfn og eru stjórnarfundir almennt haldnir í Oddfellowhöllinni þar. Stórstúka Evrópu heldur árlega fundi á tímabilinu maí til júní og eru þeir fundir haldnir í mismunandi löndum Evrópu.  Umfjöllun um Stórstúku Evrópu má nú finna undir "Oddfellow reglan" hér til hliðar

Stofnfundur nýrrar Regludeildar í Reykjanesbæ, St. nr. 26, Jóns forseta, I.O.O.F., verður haldinn í Oddfellowhúsinu að Vonarstræti 10 í Reykjavík, laugardaginn 22. október 2011.

 Stjórn Stórstúkunnar hefur ákveðið innsetningardaga í öllum Regludeildum, fyrir kjörna embættismenn 2012 til 2014. Skrá yfir tímasetningu og fundastað  innsetninga má finna á innri síðu.    

Stórsúkuþing var haldið 20. -21 má sl í Vonastræti 10. Þingtíðindi eru nú komin á Innri síðu