Oddfellow.is opnuð formlega

Á kynningarfundi sl. föstudag var ný heimasíða Oddfellowreglunnar opnuð formlega af hávl. br Stórsí Stefáni B. Veturliðasyni.

Síðan hefur verið endurgerð frá grunni einsog kemur fram  í annarri frétt hér á síðunni.

Þá var kynnt tilboð frá Stefnu ehf á Akureyri um vistun og hönnun  á heimsíðum regludeilda og er það von stjórnar stórstúkunnar að regludeildir bregðist við og ráðist í hönnun á heimasíðum sínum einsog kom fram í máli Stórsís þegar hann ávarpaði fundargesti við opnun heimasíðunnar

Tilboð Stefnu ásamt hugmynd að útliti er á Innri síðu heimasíðunnar. Til að komast á hana þarf lykilorð sem umsjónarmenn heimasíðna stúkna fengu að vita á fundinum.

Vefstjóri  gefur frekari upplýsingar um tilboðið og aðstoðar reglusystkin eftir þörfum

Fulltrúar 25 regludeilda sátu fundinn og var gerður góður rómur að nýju heimasíðunni  og ljóst að margar stúkur hafa mikinn áhuga á að endurgera sínar heimsíður eða búa til nýjar frá grunni.

Páll Ketilsson formaður ritnefndar stýrði fundi og  vefstjóri,  Jóhann P. Jónsson fór yfir nokkur atriði á nýrri síðu og sagði frá undirbúningsvinnu síðunnar.