Oddfellowhúsið á Selfossi

Miklar framkvæmdir hafa staðið yfir í Oddfellowhúsinu á Selfossi sl. ár og er nú frágangur utanhúss á lokastigi.  

Aðeins á eftir að klæða lítinn hluta af vesturhlið setja nýja útidyrahurð og ljúka við gangstétt. Þessu verður lokið á  næstu dögum og þar með er öllu lokið utanhúss. 

Síðasti fundur á þessu vori var haldinn  í síðustu viku og þá var hafist handa  við að hreinsa allt út úr gamla veislusalnum. Í sumar er ætlunin  að ljúka öllum framkvæmdum innanhúss, nema sjálfum stúkusalnum, hann bíður síðari tíma. Allt annað verður nýtt og endurbætt, bæði untanhúss og innan.