Ný Grundvallarlög samþykkt á Stórstúkuþingi

Ný Grundvallarlög fyrir bræðra- og Rebekkustúkur voru samþykkt á 34. þingi Stórstúku hinnar óháðu Oddfellowreglu á Íslandi, I.O.O.F., sem haldið var í Oddfellowhúsinu við Vonarstræti dagana 20. til 22. maí 2011. Á þinginu fór fram kjör fjögurra nýrra embættismanna Stórstúkustjórnar og var str. Jóhanna E. Vilhelmsdóttir, Rbst. nr. 1, Bergþóru og br. Ásmundur Friðriksson, St. nr. 13, Nirði, kjörin í embætti varastórsíra og str. Svanhildur Geirarðsdóttir, Rbst. nr. 1, Bergþóru, og br. Hlöðver Kjartansson, St. nr. 9, Þormóði goða, í embætti stórritara.

Stórstúkuþing hinnar óháðu Oddfellowreglu á Íslandi, I.O.O.F, hófst með þingsetningarfundi, samkvæmt

Þingfulltrúar að störfum.

Hvl. stórsír Stórstúku Evrópu, br. Harald Thoen, ávarpar þingheim.

Hvl. stórsír, br. Stefán B. Veturliðason, í ræðustól.

Nýkjörnir varastórsírar takast í hendur að loknu kjörinu.

Hvl. fyrrum stórféhirðir og fyrrum stórritari bregða á leik í kvöldverðarhófi á Hótel Hilton Nordica.

siðareglum, föstudaginn 20. maí kl 20:00. að viðstöddum þingfulltrúum, embættismönnum Stórstúkunnar og hvl. stórsír Stórstúku Evrópu, br. Harald Thoen og eiginkonu hans, str. Vivi Thoen, sem voru gestir þingsins. Á þingsetningarfundinum var 36 fyrrum meisturum veitt Stórstúkustigið.

   Þinghaldið sjálft hófst á laugardagsmorguninn, en helsta málið sem lá fyrir þinginu var frumvarp til nýrra Grundvallarlaga  fyrir bræðra- og Rebekkustúkur. Drög að hinum nýju lögum var lagt fyrir 32. Stórstúkuþing í maí 2009 og eftir að milliþinganefnd hin fyrri hafði fjallað um það var það lagt það fram fyrir 33. Stórstúkuþing, Aukaþing, sem haldið var í maí 2010. Málinu var þá vísað til milliþinganefndar hinnar síðari og eftir umfjöllun þeirrar nefndar var frumvarpið lagt fyrir 34. Stórstúkuþing, þar sem það var samþykkt samhljóða.

   Af öðrum mikilvægum málum, sem lágu fyrir þinginu má nefna stefnumótun Oddfellowreglunnar til næstu fimm ára og staða húsnæðismála á suð-vestur horni landsins, en um báða þessa málaflokka var fjallað um í málstofum Stórstúkuþingsins. Þinginu lauk sunnudaginn 22. maí með innsetningarfundi, þar sem nýir embættismenn Stórstúkustjórnar voru settir inn í embætti sín.